يوميات ستاديات .....^_^

من جد احس ما في احد .... حتى أنا مررررة من زمان عن المنتدى....بس فتحتو اليوم واتوقعت في مواضيع وحركات بس شكلو الكل مشغول ٠٠٠انا والله من بعد القدرات والتحصيلي مررررة انشغلت وذحين أنا بفرنسا باريس شفتو كيف حتى وانا بفرنسا افتح المنتدى ههههههههههه من جد عضوة مخلصة

صح بنات كنت بقولكم ترى نسيتو اشياء بارآك فنجان قهوة ،مصاصة نبيل ،وأشياء ..ان شاء الله بإذن الله اذا قابلتكم يسير أرجعها ... اتوقع وقتها نبيل محا يحتاج المصاصة ههههههههههه ..والصور ان شاء الله ارسلها لكم ..وترى صورت صور للموضوع في المنتدى صورتها الفجر لما الكل راح ...مرررررة حلوة الصور .. ان شاء الله كحد اقصى قبل ١٥رمضان ارسلكم كل الصور اللي عندي ويكون الموضوع كمان جاهز ان شاء الله

اها اوكي حلووو ..وماعليك من المصاصه قطيها بالدرام .. اصلا قديمة خلاص ..مالها داعي حتى امي قالت
لو لقيوها .. عادي خلاص لاترجعوها .. ايه ومن جد انا استنى الصور ياليت ترسلي كل فتفوته لي وعجلي

ومن جد الحفله كانت روعه .. لولا اننا في النهاية تخدرنا وكل وحده مدت طولها على السرير خخخخــ
بس واجد يوم جميل ..^_^

ههههههههههههه ان شاء الله ارسل الصور قريب...وايوا كانت الحفلة مررررة روعة بس احس انها مرت بسرعة بس على قولتهم الاحداث الجميلة تمر بسرعة ...بس صراحة أحلى شيء بالحفلة نفخة خشم نبيل هههههههههههههه يا ناس عليه ما شاء الله تبارك الله 

يلا خليني اسوي جو بالمنتدى واحكيكم عن يومي اليوم ...يوم مضحك جداا ويوم نحس!! ههههههههههه

اول شيء صحيت من النوم وعائلتي الكسولة ما قامت تبغى تتمشى الا بالعصر الساعة خمسة مع العلم انو الاشياء بفرنسا تقفل الساعة ٧ وفي محلات تقفل ١٠
المهم ابرز الاحداث قلنا نبغة نتسوق فتفرقنا أنا وامي وهديل رحنا نتسوق وبقية العائلة راحت ماكدونالدز وقلنا نتقابل بالسينما وقت الفلم الساعة ٩:٣٥
...
ويوم دخلنا المحل واختارت هديل الفستان وطايرة من الفرحة انها أخيرا لقيت فستان حلو لزواج بنت خالتي قامت أمي بتحاسب والا المحفظة مي موجودة !!!!!!! وندور وندور وندور ورحنا للمحلات اللي تسوقنا فيها قبل ونتصل على أبوية وسوينا رجة ...الخلاصة :محفظة أمي انسرقت وجلست أمي طوال اليوم زعلانة .......

فيئسنا وقابلنا بقية العائلة الكريمة بالسينما وكان الفلم قد بدأ ....الخلاصة: فاتنا الفلم ....وما لقينا مقاعد حتى

فقلنا نرجع الفندق وأخذنا تذاكر للمترو ووصلنا متأخر ونجرررررري ونصنا دخل والنص الثاني ما لحق هههههههههههههههههههههههههههههههههههههههه والله أشكالهم كانت مررررررررة تضحك !!!! أنا دخلت أنا وامي وياسر وجمانة ههههههههههههههههههههههههههههههههههههههههههه الحمدلله والله هذا الموقف خلى اليوم جميل ... فركبو هما مترو ثاني واتفقنا على محطة نتقابل فيها ههههههههههه ...الخلاصة:فاتنا المترو بالأصح فاتهم ههههههههههههههه

فرجعنا الفندق بسلامة الحمدلله ..يلا عاد استناكم واللي راحت شبكة ايوو (يا قلبي عليكي يا ايووو ) لاازم تحكيني عن كلللل شيء وبأدق التفاصيل ..

واااااو عبورة مرره يومكم خطير .. ونحس على قولتك هع.. يوم جيتو تحاسبون فستان هديل
بس مت ضحك يوم تقولي تلحقوا المترو ونصكم وصل والثاني لا .. هههههههههههههههه مرره متخيله جوكم الحماس
وإذا على الفلم خيرها بغيرها والله لو أنا لأفرح عادي أهم شي اني بباريس ولا مو ههههههههههههههه
ويلا ان شاء الله تلقى امك محفظتها .. ويرجعونها لها .. بس من جد يبغالكم تنتبهوا أكثر
ومن جد حاسة بحماسك يوم تبغي تستغلي اليوم كله بس الأهل يأخرونها والله لو انا مكانك اسوي زيك
ومن جد اتمنالكم تكون السفرة أروع منها مافي ... وواكبينا بأحداثكم الممتعه
وعلى سالفة آيوي .. والله مره كان نفسي أروح الملكة حتى قلت لأمي وأبوي والوضع أوكي
لكن قبلها بيوم انعدمت أحوالي ورقبتي ماسرت أحركها من الألم وبطني قلب علي ولا كنت مجهزه خلاص
حتى قعدت أدق على ديمو على الأقل تعتذر لي من آيوي بس البنت ماردت وكله جهازها مغلق
يلا إن شاء الله أحضر زواجها خخخخــ

ومبروووووووووووك لـ آري على الاب توب الجديد والله يا اني فرحت لك
ايه لازم الجهاز كبير عشان الشاشه تملى العين ولو
تشآآآو

ايه سوسيرا حلوه يا عبوره واهم مكان في سوسيرا الي مرررره
عجبوني هي منطقه اسمها زي لماسي و بيت هايدي
زس لماسي منطقه فيها خضار غير طبعي وبارده شويه وسحب
تغطيكي انا مره عجبتني حتى امي وابيه عجبتهم
وهذه زلماسي




اما بيت هايدي هو جبيل تتسلقيه هو تسلقه متعب شويه بس فين بتلاقي جبل زيه يجنن
انا تعبت ذاك اليوم وانبسط كمان لان بيت هايدي موقعه في قريه صغيره و قراهم يعني الريف
وهذي صور القريه







وهذا اسم زي لماسي بالنجليزيZell Am See و اما بيت هايدي هو في مدينة زيورخ وفي كمان كهف تحت الارض
ابتناء في الحرب العالميه الثانيه على ماعتقد درجة الحراره فيه تحت الصفر وفيه كمان بحيره تخيلي بحيره تحت الارض داخل الكهف
المكان مظلم ومخيف وبارد وامي وابيه ماعجبهم بس انا طبعاعجبني لانه مخيف وكان المحاربين يتخبون فيه وكثير ناس ماتوا داخله
بس ناسيه والله هذا الكف في اي مدينه في سويسرا وبتسافروا النمسا ؟؟؟
وفي النهايه اتمنى ان تستفيد من الرد هذا وعندي اماكن كمان بس ابغاء اعرف ايش المدن الي بتسافروها في سوسرا؟

لازم تتمشوا في مدن سويسرا ياعبوره جنيف مهي
زي زيورخ وزيلماسي وعلى فكره زيلماسي لو رحتوها لاتبيتي فيها
ينفع بس تروحها بالقطار وترجعوا في نفس اليوم وباكملك انشاء الله بكره
انا مني عارفه الساعه كم عندكم بس نحن عندنا الان يصلوا الفجر
وباروحوا انام دحين ترى اليوم وصلنا من جده ومره تعبانه
وتصبحي انتي وسيمو على خير

احنا يأذن الفجر عندنا الساعة 2:30 الليل تخيلي !! .. والمغرب 9 الليل .. والعشاء الساعة 11 ..الليل عندهم مرررررة قصير .. ويلا حتى انا ابغة انام .. وخلاص يسير اقول لابوية نروح للمدن حقتكي .. ومشكووووورة مرة ثانية يا اري وترى فرنسا قبل السعودية بساعة يعني ذحين 3:49 الفجر

والله انا بعد زيك يا آري .. عشان كذا وقفت فترة استناهم
والله يبغالهم شدة اذن .. كل ما اقوول لهم يقولون خلاص اعتمدي .. ولا شكل مدة اعتمادهم انتهت خخخخخــ

بالله ناديهم يا آري يمكن على يدك يتحركون ..

ايووااا .. كلكم اختفيتو !! .. اش هذا والله مو حلو كذا

ادري حتى انا مقصرة بس ان شاء الله من يوم 20/ 8 حتحمس واسوي مواضيييييع كثيييييييييييييييرة <<< احب احدد مواعيد خخخ

بس لااازم نتحمس ونسوي مواضيع كثييييييرة وردووود كثييييييرة وحلوة .. وعادي حتى لو بس احنا الاربعة والله حلوووو وفللة ..

طبعاً حلو لو على الأقل بعد زمن زمين نرجع نقرأ اش كتبنا في المنتدى ونتذكر أيامنا ونقعد نضحك

هلااا بغوووفي .. منوووووووره وينك يا بنت
اش رايك فينا .. الحين سرنا رباعي مرح .. هع