عندما تتفتح زهرة الصيف ..

السلام عليكم ورحمة الله وبركاته
............................................
اليوم حبيت اسوي موضوع صغير لانمي مراااا حلو ... انا جالسا اكتب مواضيع للاقسام الجديدا ...يعني اني حركة مميزا خخخخخخ
طبعا ...الانميات في تزايد وفي نفس الوقت في سخافة في الفكرا ...يعني قلما ما تلقي انمي ولو قصة مؤثرا
وعشان كدا ...خلوكم معايا في موضوعي التالت خخخخخخ
...........................................
الفهرس:
1_معلومات عن الانمي :
2_قصة الانمي :
3_شخصيات الانمي:
4_رأي الشخصي :
5_الخاتمة ..
.......................................
[img][/img]
معلومات عن الانمي:
الاسم :Ano Hi Mita Hana No Namae O Bokutachi Wa Mada Shirana
الاسم بالياباني :あの日見た花の名前を僕達はまだ知らない。
المخرج :Tatsuyuki Nagai
الكاتب/ة :Mari Okada
الموسيقى :Remedios
بدء العرض_انتهاؤه :April 15, 2011 – June 24, 2011
عدد الحلقات : 11 حلقة
تصنيف الانمي : دراما ,شريحة من الحياة ,تراجيدي (يعني .حزن.)
.............................
[img][/img]
قصة الانمي :
الانمي يتكلم بكل اختصار وبدون حرق للي حابة تتابعو عن:ستة اصدقاء طفولة كبروا متفرقين عن بعضهم بعد ما كانوا على القولة(خوووش اصحاب)
وهما في المرحلة الثانوية .يكون واحد فيهم اسمو (جينتان) اللي ما سار يروح المدرسة طلب انو يحقق امنية بنت اسمها (مينما) وهيا صحبتو من ايام الطفولة. وعشان يقدر يحقق امنيتها لازم يجمع شمل الاصدقاء من جديد . هادي القصة بكل اختصار وبدون بهارات
..............................
[img][/img]
شخصيات الانمي :
[img][/img]
يادومي جينتا (جينتان)
بطل الانمي ..هوا قائد الـ Super Peace Busters خخخخخ وهوا كان ولد نشيط ويحب يلعب وزي كدا بس ... بعد وفاة امه وصحبتو (مينما) ,تغيرت شخصيتو للاسوء ...بس بالنسبة ليا ...هوا ولد مسكين ولطيف ويسوي اي شئ عشان ....بلاش الحرق خخخخخ
[img][/img]
مياكو هونما (مينما)
بطلة الانمي ..هيا بنت طيبة وحلوا (بالنسبة لهم) ومرحة ...يعني زي اي طفل ..لكن حياتها كطفلة تنتهي عند ضفة النهر ... ومن بعدها تبدأ المأساة
تظهر لجينتان على انها زي ما سماها (وحش الصيف) وتتطلب منو انو يحقق لها امنيتها ...عشان تقدر تروح للجنة ... ايش هيا الامنية ؟
[img][/img]
ناروكو انجو (انارو)
من اصدقاء الطفولة ...وهيا من البنات اللي زي ما يقولو (مع الخير يا شقرا) حتى ازا ما كانت تحب ...اهم شئ تسوي .تغار من مينما ..لانو مينما حلوا وشعرها ناعم وكمان انو (حسب ما تشوف) انو جينتا يحبها ودايما يلعب معاها ..اما هيا ..شعرها مجعد وتلبس نضارة ... عندها عقدة من الماضي ...لانها تشوف بسببها ماتت ..مينما ...ليه يعني ؟
[img][/img]
هيساكاوا تتسيدو (بوبو)
من اصدقاء الطفولة ..بوبو طفل مضحك ويسوي حركات غبيا على قولتو عشان يضحك بس شخصيا خطيرا ...لما كبر راح مناطق في العالم وما كما دراسة ....يبغا يساعد مينما تروح الجنة بأي طريقا ... بس ليه ؟ وليه دار العالم (مو كلو طبعا ) ؟....؟
[img][/img]
ماتسيوكي اتسومو (يوكيتسو)
من اصدقاء الطفولة ... هادا الولد يحقد على جينتا >.< بكل صراحا ...وهوا ولد وسيم ,وذكي ,ومشهور,الا انو عالق في الماضي
تاثرت نفسيتو من يوم ما ماتت مينما ...وما يصدق جينتا عن انو الاخير يشوف مينما ...وعندو هوايا عجيبا خخخخ ايش هيا ؟ وليه الكره والحزن من بعد وفاة مينما ؟........؟
[img][/img]
تشيريكو تسورمي (تسوروكو)
من اصدقاء الطفولة اخيرا ...شخصية هادئة ولطيفة ومع يوكيتسو في نفس الثانوية ...يغاروا منها البنات اللي في الثانويا لانها دايما مع يوكيتسو
وتدعي انها تعرف كل شئ عنو (مع انها الحقيقة)
...................................
[img][/img]
رأي الشخصي :
طبعا هادا الانمي من الانميات الجميلة لعام2011 فيلومشاعر حلوا وقصة وشخصيات ولا اروع ... بس الانمي زي ما شفتو ...مرااا قصير ولسا ما في خبر ازا حتنزل اوفا ...عشان كدا ما فصلت في القصة ولا الشخصيات ...وعشانو قليل بس رائع ...حلو انو الواحد يقرمش عليه هههههههه
يعني قصة مبتكرا ,ووقائع حلوا ,وحـــــــــــــــــــــــــ ـــــــــــــــــزن .....
..................................
الخاتمة :
اتمنى انو الموضوع البسيط هادا للانمي الحلو ...يكون قد نااااااااال اعجابكم ...وانكم استمتعتو في القراءة ...واهم شئ اتحمستو ..مع انو شئ مستبعد ,,بسبب كل الاختصار >>>ولا احسن.. لانو ما في حرق خخخخخخ
جميع الحقوق محفوووزا ... مع انو الموضوع مو داكا الشئ الوااااااااااااااو
والسلام عليكم ورحمة الله وبركاته ....